El spazzacamin

Ormai da ani pa le nostre strade
no se lo vede pi' a passar
col so vecio caret a do rode,
co sora un fass de spinsero,
dó corde, e strassi par netar i camin.
I gera sempre in dó, par e fiol ;
ultimamente i vegnea in bicicletta
co le rode piene, fate de sion,
sul portapacchi un grosso zaino
co' dentro le so reative impreste.
Ades i camin sora le nostre case
i xe restadi sol a far bea mostra,
el fogher co la legna, no se lo
impissa, perché si nó al sporca ;
e cussi i camin i ga smesso de fumar
el spassacamin no se la visto pi passar:
Ne ricordo ancora quel so' canto
melodioso e triste ch' el disea cussi :
" Spazzammino, spazzacamino, ho freddo
e fame, e son piccino ; la in riva
al lago dove son nato, la mia mamma
m'á abbandonato, son come un
uccello che lascia il nido per
guadagnarsi qualche quatrin."
Nojaltri fjoi se li vardea co'un pochetin
de paura pa al so'viso
e le so'man, nere ; ma al picol
spassacamin concludea quel canto
cussi : "Tu mi guardi lo só perché il volto
piú bianco non o'-, ma lo spazzacamino
tiene un cuor come ogni altro bambino ! "

AVANTI

PRIMA PAGINA