LA FIONDA

Xe ormai passá quei ani,
quando zogando co la fionda
se lancea sassi fando malani.
Co'na rama de conastrea
fata a "vi"se fea la forsea;
do striche de cameradaria,
un ciapin de semojna,
se lancea i sassi in aria.
I sassi jera le nostre cartucce,
ma bisognea star atenti.
A volte qualche sasso in alto
tra i pali dea luce ne scampea,
e le bianche cichere isolanti se scajea;
anca qualche viero de lastre
de le case cioea de'mezo,
alora par tuti jera pezo.
Par na settimana le fionde sparia,
e co qualche altro zogo se la sostituia.
El tempo passa e sol ricordi
d'infansia risveja la mente,
nessun se gavea zoghi
ma se se divertia co' gnente.

AVANTI

PAGINA PRINCIPALE