RONDINI

Na'mattina de ottobre,
su i fili de l'alta tension
vedo calade senteneri
de rondini co quel canto
armonioso e alegro
pronte par la partenza.
Mi go' pensà sujto chi ga dato
l'ordine de sto'gran raduno,
se non quel Dio che le gá creade,
che ogni roba e'l dirige
co sapiensa e bontà infinita.
Anca mi son come na rondine
che go rasentá sta'tera
amirando i capolavori de la creassion;
ne la me ignoransa no go mai trová
le paroe par descrivar le mareveje che ó vist.
Anca mi speto l'ordine
dal "Supremo "par la partenza,
assando le robe pi'care de sta tera;
e'Dio ! perdoname……
se me presento da "Ti"
tegnendo in man sol fogli bianchi.

AVANTI

PAGINA PRINCIPALE