L'albero della vita
Quando semo zoveni
la nostra vita la xe
come un albero
cargo de' foje
in primavera .
Anca la me vita
come ogni vita
la xe stata albero
cargo de foje
co' fadiga riussie apena
de vedar al ciel.
Ma al tempo - pian pian
con man inesorabie
la fat cascar le foje…..
Quante ghe ne xeo cascá!
Dio sol lo sa….
Ma ogni foja che casca
la me assa veder
sempre de pi el ciel,
restando quasi istupidio,
pien de meravegia,
e de speransa….
Che quando cascará
l'ultima foja
su quel ciel l'anema mia
la salirá par restar
par sempre.