MASERADA SUL PIAVE (TV)
22 marzo 2001


"Se brusa a Vecia"

Dopo le numerose malefatte
contestate alla Sig.a Marantega Rodegonda
dai cittadini di Maserada,
l'imputata (dopo irregolare processo)
verrà messa al rogo.

PROCESSO

MEZA QUARESEMA "SUL PIAVE" CO' A RODEGONDA

Sta brùta maràntega vècia
che de Rodegònda ga nome
ghe n'hà combinà cussì tante
che a dirle da unquò tute quante
se riva sicuro all'istà.

Ma se' a tirassimo longa
se ris-cia che vegne un condono
par questo ne toca co' prèssa,
cantar queè pochète che strèssa
e dopo poderla brusar :

Ae vache ' a ghe ha dato el matìo
blocando el consumo dea carne
e i prèssi xè come voeài
sul pesse e su altro comprai
che dava occasion de cambiar.

Portando e baldràche pae strade
par mèzo dei sò farabùti '
a ofre a voiosi porsèi
ste tose pà un pochi dei schèi
voèndosse far mantegnèr.

De ladri oramai ghè nè tanti
che pena ciapài za i li mòea
e 'a tranquiità che se vèa
no l'è de sicuro pì quèa
su casa che toca blindàr.

Però 'vemo 'a teevision
e sensa de quea no se stà,
baucometro puro de impulso
che pì che te' a varda e pì insulso
te riva co' 'a publicità

Poìtici sempre ' a ne cambia
che oncòra i ne conta storièe
e vòdi de voia de far
i è pieni de quèa de restar
su bona carega sentai.

Sul Piave 'a ga tanto scavà
che quasi a trovava el petrolio
e sul Parabae vera busa
quel parco che ièra 'na scusa
nessuna lo ha 'ncora impiantà.

Però ghe xe i campi da tennis
co tanti lavori e progeti
de stadio par quei del baeòn
pìssina da competissiòn
e........Piave ch'el pòl inondar.

Po' quel sotopasso a Varago,
te mostra na gran confusiòn
perchè pa' passar soto a strada
a zènte spèntona infuriada
co' quei che davanti va pian.

Ma el colmo xè èl centro de' ansiàni
che in tante promèsse busière
oncòra non porta i lavori
ma forse ' a sperava che lòri
vegnèsse brusài proprio unquò.

Par questo impissèmo sto fogo
in modo che 'a bruta veciàta
se mèrite queo che ghe spèta
e torne ben fora el serèn
su noàltri che insieme cantèn.


AVANTI
INDIETRO
PAGINA PRINCIPALE